Hlutverk Vörðu er að efla og búa til vettvang fyrir rannsóknir á sviði vinnumarkaðar, félags- og efnahagsmála á grundvelli samkomulags milli Alþýðusambands Íslands og BSRB. Innan þess ramma framkvæmir Varða kannanir fyrir stök aðildarfélög innan bæði ASÍ og BSRB og eftir atvikum fyrir  aðrar stofnanir en einnig stærri kannanir á vettvangi verkalýðshreyfingarinnar. Úr gögnum sem safnast við framkvæmd kannananna eru m.a. útbúnar skýrslur sem miða að því að bæta þekkinguna á vinnumarkaði og lífskilyrðum fólks í víðu samhengi. Einnig eru skrifaðar fræðigreinar sem birtast í vísindatímaritum. Niðurstöður þeirra kannanna sem gerðar eru fyrir hönd verkalýðshreyfingarinnar í heild birtast á heimasíðu Vörðu, www.rannvinn.is. Í þeim tilfellum sem Varða gerir kannanir fyrir einstök aðildarfélög, afhendir hún viðkomandi aðila fullbúna skýrslu en aldrei aðgang að þeim gögnum sem safnað hefur verið. Við úrvinnslu gagna hvort sem það er fyrir skýrslur eða fræðigreinar er þess gætt, af ítrustu varfærni, að allar persónuupplýsingar sem gæti verið hægt að rekja til einstaklinga séu fjarlægðar. Varða safnar hvorki nöfnum né kennitölum. Aðildarfélög ASÍ og BSRB senda út kannanir fyrir hönd Vörðu en afhenda stofnuninni ekki upplýsingar um félagsfólks sitt. Varða varðveitir eingöngu netföng og símanúmer þeirra einstaklinga sem gefa stofnunni sérstakt leyfi til að senda beint til þeirra kannanir. Netföng og símanúmer svarenda og svörin við könnununum eru aldrei vistuð á sama stað.