Rétta leiðin að sanngjörnu fjármálakerfi

English below Fjármálakerfi er nauðsynlegt hverju samfélagi en fjöldamörg dæmi eru um að of viðamikil fjármálakerfi vinni gegn hagsmunum samfélaga. Er hægt að byggja upp fjármálakerfi sem gagnast samfélaginu? Nicholas Shaxson er rithöfundur og rannsóknablaðamaður og höfundur bókarinnar The Finance Curse: How global finance is making us all poorer sem Financial Times valdi bók ársins árið 2019. Í erindinu fjallar Shaxson um merki þess að fjármálakerfi séu hætt að þjóna hagsmunum efnahagslífsins og samfélagsins og leiðir til að byggja upp heilbrigt fjármálakerfi. Varða – rannsóknastofnun vinnumarkaðarins, ASÍ og BSRB standa fyrir röð af hádegisfyrirlestrum um réttu leiðina út úr kreppunni. Á fundunum er fræðileg umfjöllun fléttuð saman við reynslu af skipulögðu starfi verkalýðshreyfinga og annarra almannasamtaka. Fundirnir fara fram í gegnum zoom og eru öllum opnir. Boðið er upp á túlkun yfir á íslensku og til að nýta hana þarf að smella á lítinn hnött sem birtist í stikunni og velja túlkun.…