Rétta leiðin í ríkisfjármálum

Til að bregðast við efnahagskreppunni í kjölfar COVID-19 faraldursins hafa ríki heims snaraukið útgjöld til að halda hagkerfum sínum á floti. Alþjóðastofnanir hafa stutt þessa aðferð og varað við niðurskurðarstefnu, sem þó var ríkjandi viðbragð eftir fjármálakreppuna 2008. Hver er rétta leiðin í ríkisfjármálum á krepputímum og hver er rétta leiðin til að draga úr langvinnum skaða af yfirstandandi kreppu? Hvað verður um skuldir hins opinbera í framtíðinni? Peter Bofinger fjallar um réttu leiðina í ríkisfjármálum á krepputímum. Hann er einn af virtustu hagfræðingum Þýskalands og hefur fjallað ítarlega um efnahagsleg áhrif COVID-19 faraldursins. Bofinger er prófessor við Würzburg háskólann og var um árabil tilnefndur fulltrúi verkalýðshreyfingarinnar í ráðgjafaráði þýskra stjórnvalda um efnahagsmál. Varða – rannsóknastofnun vinnumarkaðarins, ASÍ og BSRB standa fyrir röð af hádegisfyrirlestrum um réttu leiðina út úr kreppunni. Á fundunum er fræðileg umfjöllun fléttuð saman við reynslu af skipulögðu starfi verkalýðshreyfinga og annarra almannasamtaka.

Fundirnir fara fram í gegnum…