Rétta leiðin til að skilja hvert annað

Íbúar Íslands koma frá fleiri en 150 löndum og í íslenskum grunnskólum eru nemendur sem tala a.m.k. 44 önnur móðurmál en íslensku. Hvernig er hægt að tryggja að allir í samfélaginu fái nauðsynlegar upplýsingar? Hvernig skiljum við hvert annað? Gauti Kristmannsson er prófessor í þýðingafræði við Háskóla Íslands og fjallar um mikilvægi þýðinga og túlkunar í íslensku samfélagi. Agnieszka Ewa Ziólkowska, varaformaður Eflingar, er Póllandi og segir frá sinni reynslu af því að starfa á íslenskum vinnumarkaði. Fundastjóri er Saga Kjartansdóttir, túlkur og þýðandi hjá Alþýðusambandi Íslands. Varða – rannsóknastofnun vinnumarkaðarins, ASÍ og BSRB standa fyrir röð af hádegisfyrirlestrum um réttu leiðina út úr kreppunni. Á fundunum er fræðileg umfjöllun fléttuð saman við reynslu af skiplögðu starfi verkalýðshreyfinga og annara almannasamtaka. Fundirnir fara fram í gegnum Zoom og eru öllum opnir. Fundurinn fer fram á Íslensku og Pólsku. Boðið er upp á túlkun og til að nýta hana þarf að smella á lítinn hnött sem birtist í stikunni og velja túlkun. Hægt er að velja „mute original sound“ til að heyra eingöngu í túlknum.

Smellið á þennan link til að taka þátt: https://us02web.zoom.us/j/81807121391