Staða launafólks á Íslandi

English below ASÍ og BSRB bjóða til veffundar þar sem kynntar verða niðurstöður úr nýrri spurningakönnun Vörðu um stöðu launafólks á Íslandi. Meðal þess sem fram kemur í niðurstöðunum er að tæplega fjórðungur svarenda á erfitt með að ná endum saman og um fimmtungur getur ekki mætt óvæntum útgjöldum. Staða innflytjenda er mun verri en annarra.

Kristín Heba Gísladóttir, framkvæmdastjóri Vörðu mun kynna niðurstöður könnunarinnar sem varpar ljósi á stöðuna á vinnumarkaði í dag. Markmið könnunarinnar var að meta stöðu launafólks innan ASÍ og BSRB í kjölfar kófsins og sérstaklega stöðu atvinnulausra.

Fundurinn fer fram þriðjudaginn 9. febrúar kl. 12:30 og er öllum opinn. Smellið á þennan hlekk til að taka þátt: https://us02web.zoom.us/j/88216685828

Boðið er upp á túlkun á ensku.

Dagskrá: Staða launafólks á vinnumarkaði Kristín Heba Gísladóttir, framkvæmdastjóri Vörðu, kynnir niðurstöður nýrrar spurningakönnunar.

Næstu skref: Kolbeinn Hólmar Stefánsson, lektor við HÍ. Drífa Snædal, forseti ASÍ. Sonja Ýr Þorbergsdóttir, formaður BSRB. Sólveig Anna Jónsdóttir, formaður Eflingar.